Site Meter

Friday, October 21, 2005

.....دعوة

بعد أن أعلن فى مؤتمر كبير من العاصمة البريطانية ( الشقيقة) لندن عن تأسيس "رايت ستارت" (الرابط الخاص بالممولين على صفحتها الأساسية يوديك مباشرة على صفحة فاضية ..صدفة طبعاً) و تحدث الداعية المودرن /المصلح الإجتماعى / صاحب فكرة التنمية بالإيمان الوسيم عمرو خالد عن مساعدة الشباب العربى المسكين على تقويم الإنحرافات السلوكية(منها المخدرات و الإرهاب و غالباًالعيال الصيع اللى بيفجروا نفسهم فى فلسطين ) التى يعانى منها و ذلك على ثلاثة محاور : إشاعة مناخ الحرية و القضاء على البطالة و تغيير الخطاب الدينى (خلوا بالكوا من حكاية الخطاب الدينى دى.. ) و طبعاً كل هذا بالتعاون مع هيئات دولية (منها مؤسسة إيماجينشنز الأمريكية ) و طبعاً مع الحكومة الإنجليزية (الشقيقة) و بعد جلسات مع وزير الخارجية البريطانى (الشقيق) كما قال الداعية بنفسه فى برنامج نقطة حوار فى إذاعة بى بي سى ( إنجليزى ده يا مرسى؟؟ ) و ألقى كلمة فى الندوة بيتر جوردهام (الشقيق برضه ) مدير مكتب الشرق الأوسط وشمال إفريقيا بوزارة الخارجية البريطانية الذى أشار إلى أن الخارجية البريطانية أنشأت في عام 2003 "صندوق تمويل الفرص الدولية" الذي يتضمن قسما مهمته "التعامل مع العالم الإسلامي" (ظريفة حكاية التعامل مع العالم الإسلامى دى ) و تم كل هذا فى حضور نخبة من العقول العظيمة و تم بهدف صناعة تاريخ و صياغة مستقبل أفضل كما يعلن موقع المؤتمر (بالمناسبة التذاكر كانت رخيصة ما بين 15 إلى 100 جنيه إسترلينى) ، المهم بعد المجهود الخرافى ده و فى زحمة الأنشطة الدعوية فى شهر رمضان لم ينس الداعية أن يقول كلمة حق بدأت من يومين كده و يدعو مستخدماً أحاديث نبوية كل من نسى ضميره و جايب وصلة " إيه أر تي" من غير ما يدفع للشيخ صالح ( ربنا يخليهُلنا عامل إشتراك الفرجة على كأس العالم 1800 جنيه بس) ، إنه يراجع ضميره و يشترك (يعنى يخلى عنده دم و يدفع لأن الشيخ صالح له كلمة مأثورة بتقول "اللى يبى ( كلمة خليجية معناها عايز ) يتفرج يدفع) و الداعية بيقول إن ده علشان الإعلام الهادف بتاع الشيخ صالح يقدر يكمل مسيرته التنويرية الإصلاحية. الله يجازيك كل خير يا مولانا و يقدرك على فعل الخير و يساعدك فى الوقوف فى وجه الظلمة اللى بيسرقوا عرق الشيخ صالح الغلبان و يجعله عامر

3 Comments:

At 10/21/2005 6:49 PM, Blogger ibn_abdel_aziz said...

اول مرة التفت للنقاط دي كلها

بص ...عشان اكون صريح معاك ..انا اتكلمت في الظاهرة دي كثير

لكني لم اشكك يوم في نية عمرو خالد لاني لا اعلمها ولا يعلمها احد

الراجل اظن والله يعلم يؤمن انه يخدم الاسلام ويرضي الله ...وهذا لا استطيع ان افاصل فيه

لكنه بالتاكيد يقوم بوضع نفسه في اماكن مليئية بالشبهات وكلها مشاكل
ولا ادري لماذا
واظن انها من عدم خبرته
ولانها ايضا من عدم احاطته باي شخص يصلح ان يعينه
كل من حوله هتيفة ويقدسون افعاله ولو تفل
فيوم لما يقع
حيقع بسببه هو في اسلوب خلق الاف ممن لا يفكرون ولانه فشل في خلق اي مجموعة تقوم باي عمل يقوم به او يفكرون
فهو في الصورة 24 ساعة ولا تعرف سواه

بالنسبة للشيخ صالح حتلاقيه متبع حديث لا اعرف سنده حتي الان
" ان الله لينصر هذا الدين بالرجل الفاسد"
ويمكن ده طريقة تفكيره

المهم يا واحد من مصر:)
يا خالق الفتنة
ومدمر الامل
وحاسد النجاح
وعدوه
ويحك كيف تجرؤ؟
انا حقرا الموضوع تاني عشان عاوز اعرف ايه علاقة المؤسسات دي كلها بموضوع التعامل مع المسلمين
محتاجين نشوف اجندتهم برضك
اكيد لهم ما لهم وعليهم ما عليهم

زدنا بحثا يا عم الحاج

 
At 10/24/2005 3:59 AM, Blogger Sawaaa7 Fe 7ob Masr said...

ya basha enta neseet el free internet number kaman

on the other hand, I have to stop watching his program, 3ashan bartekeb zenoob 3ashan fe 2akhta2 betnarfezny moot lama tet2al. Ana mesh motadayen 2awy, ana bas kare2 serah we batala3 el 2akhta2. 2omal law kont bafham kont tala3t 2eeh?!

since years i say

Amr Khalid 3andoh el neyah el kewayesah we 2akhta2 el tareek

but lately i got doubts in the 1st part we Rabenah yostor

 
At 2/07/2007 10:50 PM, Anonymous Anonymous said...

Cool blog, interesting information... Keep it UP » »

 

Post a Comment

<< Home