حد فاهم؟
.....
.......
أصبح المشهد المصري الراهن محتنقاً و مزدحماً للغاية و بالنسبة لى فقد أصبح أيضاً عسر الفهم ، ها هى مبادرة جديدة بأسماء تدعو إلى الثقة : الدكتور حامد عمار ، المستشار طارق البشرى و أيضاً أسماء تدعو للتساؤل :الدكتور عزيز صدقى ، سامى شرف ؟؟؟
......يا جماعة إذا فيه حد فاهم يفهمنى
posted by wa7ed mn masr @ 12:22 AM
9 comments
9 Comments:
تجمع التحول الديمقراطي، مثله مثل حركة كفاية، لا يمثل تيارا سياسيا معينا، و لكنه مظلة لكل من يدعون إلى الإصلاح الديمقراطي، و بغض النظر عن الأسماء، دعنا نغلب حسن الظن في أولئك الذين انتموا لأنظمة قمعية سابقة، خاصة في وجود بعض المتفق على مصداقيتها. النظام سيحاول أن يشق صف ذلك التجمع، فأتمنى ألا نسهّل له المهمة بتلك الشكوك
ممكن أسأل سؤال
أعضاء كفاية ليس لهم تيار معين بل يجمعهم مطلب واحد
واعضاء التحول ليس لهم تيار معين بل يجمعهم مكلب واحد
طيب ليه بأه اصحى الصبح الاقى حركة جديدة
هى روشة وخلاص
بكرة نلاقى حركة التغيير وحركة التجديد وحركة التحديث وحركة بس خلاص وحركة دوام الحال من المحال
انا مؤمنة ان التعدد والإختلاف مناخ صحى
بس لما يكون الهدف واحد.. يبقى التعدد يسبب تشتيت
وللا ايه؟
كفاية لم تكن الاولي
سبقها الاخوان في اعلان بيانهم الاصلاحي
ونشات حركات اخري مثل لا لمبارك
وظهرت جبهات مثل جبهة سلام والتي قامت بوضوع عريضة طلب ترشيح عمرو موسي
عندما نقرر ان كفاية تعبر عن المصريين عندئذ نقول كفي
لكنها لا تعبر عن اي احد غير مجموعات محدودة من المعارضة والمثقفين
غالبا ما يختلط الامر علينا عندما نقول انها تمثل جيمع الاطياف السياسية
واريد ان احلل هذه المقولة بشكل واقعي
لا يوجد اتجاه واحد في مصر ولا اي حركة او جماعة تمثل المصريين كلهم
ولا حتي 50%
ولاحتي 10%
وهل كل اليساريين في كفاية؟
وكل القوميين؟
وكل الليبراليين؟
وكل الاسلاميين؟
ولا حتي الاغلبية
ولا جزء
ولا حتي 1%
الشعب المصري
ينتمي لاتجاه واحد اسمه
" المصريين"
وهذا الاتجاه ليس له احد يمثله حتي الان
وان كانت هناك محاولات
وبالتالي تطلع كفاية تطلع سلام تطلع خلاص تطلع جبهة المجانين الزرق
المتخلفين الخضر
مش مهم
واحد زيي مثلا لا يريد ان يكون جزءا من كفاية
ولا من الاخوان رغم انتمائي الفكري السابق لهم
اعمل ايه ؟
الشعب الصمري طبعا محتار
عشان كدة
هو كبر دماغه خلاص
الشعب المصري محتاج في هذه المرحلة الي بديل
مش تغيير شامل كامل حامل مجعلص
التغيير الحقيقي حيتم بمشاريع ثقافية واجتماعية تتم تحت رادار النظام
بينما السياسي يجب ان يكون معبر عن الواقع الحالي
ثم يتغير الواقع الثقافي
فيتغير الواقع السياسي
وهكذا
اقتباس:
واحد زيي مثلا لا يريد ان يكون جزءا من كفاية
ولا من الاخوان رغم انتمائي الفكري السابق لهم
اعمل ايه ؟
-------------
كلام حلو يا بن عبدالعزيز
انا زيك مش منتمية لأى حد
انتمائى للفكرة التى أراها صائبه
سواء طلعت من فم يسارى طلعت من فم اخوانى طلعت من فم ليبرالى
طلعت من عند كفاية او التحول او سلام
طلعت من العفريت الازرق
ايه رأيك نعمل حركة "المستقلين" وهدفنا بردو الإصلاح
بنت مصرية
مش شرط نعمل حركة جديدة
فيه حركات مستقلة بالفعل موجودة
بس الاهم من الحركة
هو العمل نفسه
عشان كدة انا قلت مشاريع
ايه هي المشاريع الايجابية اللي ممكن تصنع تغيير حقيقي في الشعب بعيد عن الهتافات والشعارات والحزن واللطم ؟
ممكن كمدونين ندعو لاعمال تغير شئ من طريقة التفكير وبناء ثقافة مغايرة
مش لازم كلها تكون سياسية
انا عندي فكرة مشروع بالفعل وكتبت عنه في مدونتي
هي مش فكرتي
لكن نفسي اساعد اللي عاوز يعمل حاجة في الفكرة دي
http://justice4every1.blogspot.com/2005/06/blog-post.html
minesweeper
لم أقصدالتشكيك فى وطنية أو نوايا أى من الأسماء ، ما قصدته بـ "أسماء تدعو للتساؤل" هو أن هذه الأسماء أختفت منذ مدة من ساحة العمل السياسى ،هنا الأسئلة عن أسباب العودة و توقيتها و "إيه لم الشامى ع المغربى"؟
..بنت مصرية :نورتى البلوج
فلندع مائة زهرة تتفتح ،أهلاً بكل من لديه هم من أجل هذا الوطن ،أهلاً بكل من يحمل رؤية للإصلاح و لندع الوقت و المصريون يفرزون من يستحق
الصديق إبن عبد العزيز:لماذا لا نعتبر هذه الحركات إرهاصات لمشروع نهضة جديد؟ لماذا لا ننتظر حتى نرى كيف سيتفاعل المصريون مع هذه الحركات؟
صديقى لكى تتحرك الشعوب فلابد من قيادة ، أوافقك أنه حتى الاّّّّّّّن لم يستطيع أى إتجاه أن يجمع المصريين حوله، و لكن كما قلت فى تعليق سابق فى مدونتك ما أراه الأن أن المصريين مجتمعين على رفض الوضع الحالى هذابالطبع مع إستثناء المستفيدين من الفساد ، فدعنا ننتظر ما ستسفر عنه التفاعلات الحالية علها تفرز إتجاه ما يستطيع تجميع المصريين حوله ، و إلى أن يحين هذا فمرحباً بكل المبادرات
الاخ الفاضل
وهل انا اعترضت علي هذه الحركات؟
انا ادعو فقط لمحاسبتها
ومراقبتها
وتويجهها
وعدم الانغماس في بروباجنداتها بجون البحث عن حقائق الامور
بالعكس انا قلت
اي حركة تريد ان تقول انا هنا
اهلا وسهلا بها
فقط يجب ان نعرف هل مواقفها توافق شعاراتها
ولذلك انا مع المشاريع اكثر من الحركات نفسها
علي الاقل الان
ابن عبد العزيز .. معاك ان فكره نقد حركات المعارضه فعلا ظاهره صحيه جدا جدا ... بالعكس نقد حركات المعارضه هو السبيل الوحيد لتقويمها اذا اعوجت و سقطت في فخ الغاء الاخر اللي للاسف انا شايف انهم متجهين اليه..
اما عن الحركات الجديده.. انا ليا رأي قد يكون ساذج حبتين..
وهو ان الاحساس بقرب سقوط النظام و قله حيلته مع المتظاهرين و الضغط الخارجي... و اكثر من هذا انكسار تابوو السياسه جزئيا على الاقل..
كل هذا دفع اشخاص بوعي او بدون وعي لاقتسام جزء من الكعكه..مع انهم في الحقيقه يمثلون مطلبا واحدا .. وهو التغيير و الحراك.. لاي اتجاه ...
و اكمالا للحركات ظهرت بالامس حركه جديده.. من الزملاء..
اسمها أطباء من اجل التغيير
و طبعا الاستمرار من اجل الازدهار الحركه النكته..
احسن حاجه فينا اننا لا عجبنا العجب ولا الصيام فى رجب يا جماعه انشا الله تطلع مية جماعه بس الهدف واحد التغيير هدف نبيل كلنا نلتف حوليه هو التغيير والاصلاح وما فيش اى مانع من تحالف كل هؤلاء اما بالنسبه للمصريين يا عم الحج المصريين مش معترضين على كفايه علشان كده ملايين المصريين لم ينضموا لها لاء المصريين لسه بيخافوا من عسكرى المرور لسه لما البوكس بينزل الشارع كله بيتك بيتك ذى الفراخ الموضوع مش موضوع عدم اقتناع بفكر معين الموضوع موضوع خوف
اما بالنسبه لشخصيات بتاعت جبهة ولا حركة التحول الديمقراطى مالها انا شايفها شخصيات محترمة جدا وكلها كانت شخصيات ذات اهمية ونطيفه لما كانت فى السلطه وبعدين كفايه انهم شخصيات عامه وطلعت عارضة السلطه بهذا الشكل الواضح احنا بنشوف دلوقت الشخصيات العامه لما بتطلع على شاشة التليفزيون بتعمل ايه اشى محلسه اشى نفاق ولو كان محترم شويه بيسكت خالص منعا للاحراج
يارب اصحى الصبح الاقى مليون حركة معارضه مفيش مانع خاااااااااااالص
Post a Comment
<< Home