Site Meter

Friday, March 25, 2005

شوك.. و ضل

أحب ماعليا ..
الشجرة أم شوك و ضل !
الضل وحده يتلج الحشا .. يعل
و الشوك يغل
......
ما احبش القديسة
ولا اللى ما يعرفش غير سجادة الصلا
براءة الملايكة فى أرض شايكة ..شئ يشل
و ما احبش الخسيه
و لا الفلاتي الزانى حتى ويا أحجار الفلا
خساسة النجاسة و النخاسة و السياسة و قلة الحساسة
شئ يذل
و أحب ماعليا..
الشجرة أم شوك و ضل
سيد حجاب
1966

هل حقاً " براءة الملايكة فى أرض شايكة ..شئ يشل" ؟؟؟؟؟؟؟
ً

7 Comments:

At 3/29/2005 11:20 PM, Blogger Omar Mostafa said...

شيء يشل جداً، بس ممكن افهمه، حتى وانا مشلول

 
At 4/05/2005 12:57 AM, Blogger Shady Youssef said...

الله يرحم سيد حجاب الشاعر..و ربنا يدي لسيد حجاب الأنسان طولة العمر

 
At 4/07/2005 11:42 PM, Blogger wa7ed mn masr said...

شادي :ليه؟

 
At 4/08/2005 11:25 AM, Blogger Shady Youssef said...

تجربة سيد حجاب في ديوان العتمة مثلا كان تبشر بشاعر فحل له طعم جديد..و لكن سيد حجاب تم تحجيمه ذاتيا في تترات المسلسلات و الأغاني..ففقدنا الشاعر الأول و اكتسبنا اسطى تترات المسلسلات...و الغش طرطش رش ع الوش بويه..ما دريتش مين بلياتشو او مين رزين

 
At 4/10/2005 12:13 AM, Blogger wa7ed mn masr said...

شادي :سيد حجاب ليس إستثنساءفي هذا فيبدو أن تجربة شعر العامية قد توقفت مع هذا الجيل مع نهاية السبعينيات إخبرنى أين الأبنودي ،أحمد فؤاد نجم أو فؤاد قاعود لقد توقفوا جميعاً .علي العكس سيد حجاب حتى لو كان هذا إنتاجه فبه الكثير الجيد ،عموماً أرى سيد حجاب من أفضل من كتبوا بالعامية و من أكثرهم مهارةو الأهم عمقاً

 
At 10/30/2006 10:46 PM, Anonymous Anonymous said...

دخلت بالصدفة على مدونتك واعجبنى جداً رايك فى الشاعر الكبير سيد حجاب
وانا مثلك ان السيد حجاب كاتب تترات المسلسلات قد قضى على سيد حجاب شاعر العامية وهذا واضح مثلا فى قصيدته المنشورة بالدستور منذ عدة اسابيع
بعنوان ( حاول ماتبكيش ) والحق اننى لم اصدق ان كاتبها سيد حجاب
القصيدة تقول ان سيد حجاب شاعر العامية ... بح .. ومش موجود
وهذا دفعنى لكتابة قصيدة له بعنوان قعدة عرب وهى:
قعدة عرب


لولا إنى متاكد قوى
من إن نظرى سليم
وان اللى شفته بعينى كان صورتك
وتحتها إسمك ببنط عريض
انا كنت جبت العيب على المطبعة
وفعلها الفاضح
بس الحقيقة بكل رزالتها
قطعت خطوط الرجعة على ظنى
وقت إنفلات الشعر من إيدك
( كأنه سحبة قوس ف أوتار كمان )
طب دا انت ماعتقتش وجع إلا وغنت له
كنت المغنى الرزين
اللى (استقام له الجسر بين أمسنا
وبين حروف جايبة الصباح الرباح )
إذاى تسيب نفسك لريح شاردة
تاخدك على خوانة
إذاى برغم الهيلمان والهالة جوانا
( تغشك المرايات )
وتسرسبك لخية الأعذار
وانت اللى ياما بنايك العايق
جبرت ( كسر الروح ف دوح الوطن )
( شاهت وشوش ) حكاويك
ف صحرة الدلالات
أنا كنت حالف أقعدَّك قعدة عرب
وآخد معايا( المغنى الأعمى) للقعدة
علشان يشوف للشعر صرفة معاك
أنا كنت ناوى أشهد القاعدين
من شلة البلالات
وأجردك من وشك البويا اللى مش لايق عليك
يمكن يعود للوتر
سماحة النية
لكن بكل صراحة ماقدرتش
وبكيت وانا ف إيدى
صياد وجنية

تحياتى لك ولرأيك الناضج
وتقبل مودتى
أشرف الشافعى
الأسكندرية
shaffey_2006@yahoo.com

 
At 2/06/2007 2:35 PM, Anonymous Anonymous said...

Enjoyed a lot! Women&aposs snow jackets

 

Post a Comment

<< Home