الترابى و البدرى و القرضاوى..و ربنا يكون فى عونا
خبر فى المصرى اليوم بتاريخ 11/ 4
.
ألطف ما فى الخبر و بعيداً عن الفتوى الخلافية (التى كتبت فى نفس سياقها منذ أيام على إعتبار إنى مكشوف عنى الحجاب) هو تعليق الشيخ يوسف البدرى :
ولا يجوز لغير المسلم أن ينكح مسلمة لأن الإسلام أعلي الأديان ولا يجوز للدين الأعلي أن يكون تحت الأديان الأخري
...
ظريفة موت حكاية الأعلى و فوق و تحت و الحاجات دى بس مش عارفين مولانا كان بيتفرج على إيه ( تفـتكروا إيه ؟؟ها؟..) و هو بيستعمل تعبيرات من نوع" تحت " لما ييجى يتعامل مع قضية من النوع ده
ــــــــــــــــــــــــــــــــــــــ
أخيراً أحب أقولكم إننا لينا الجنة من البلاوى اللى بنشوفها و الله يجازى اللى كان السبب
posted by wa7ed mn masr @ 12:27 AM
13 comments
13 Comments:
هو مين اللى كان السبب ..؟
مرحبا
لقد تنقلت قليلا في اجزاء مدونتك, انترستينغ
احببت انفتاحك على الاخر و طريقة تعاملك مع الدين, و لاحظت ان بامكاني ان اعرف ماذا يحصل داخل مصر انما من وجهة نظر اخرى
كلما وقعت على مدونة مماثلة , اعشق المدونات اكثر ولما تتيحه من حرية في التعبير و يا ريت عن جد يقدرو المدونين على احداث تغيير
المجهول صاحب التعليق الأول: سؤال صعب لكن أظن السبب هو فساد و جهل و مناخ متشدد و محتقن ينخر فى عظام مصر منذ اكثر من ثلاثين عام أنتجتهم سلطة مسثبدة أخر ما يشغل بالها هو مصالح مصر و المصريين ،و النتيجة حالة عامة من التراجع لكل ما هو مستنير و علو صوت لظلاميين و جهلة و تجمد للعقل المصرى تحت وطأة الإستبداد
رات : نورتينى و نورتى المدونة ، أشكرك على كلماتك .. أظن أن المدونين هم جزء من إرهاصات الخروج من الأزمة الحالية التى تعيشها مصر و ربما المنطقة بأكملها لكن المهم هو المثابرة و تراكم الجهود و تلاقى و تلاقح الخبرات و تحويلها إلى إرادة و فعل..شرفتينى
wa7d mn masr
thank you for making me laugh out loud..." السبب هو فساد و جهل و مناخ متشدد و محتقن ينخر فى عظام مصر منذ اكثر من ثلاثين عام أنتجتهم سلطة مسثبدة أخر ما يشغل بالها هو مصالح مصر "
30 years only?? what about abdel nasser who started it all.... & by the way, what el torabi said is correct, im just astonished that it came from him !!!!
أعتقد انه بصرف النظر عن مميزات ناصر أو عيوبه الا ان صوت التشدد الديني و الفتاوي الرجعية اللي بتلعب بالعوام و بأدمغتهم لم تظهر الا من 30 سنة في عهد الرئيس المؤمن
و طغيان فكر مشايخ البترول كمان علشان نبقى منصفين
الأخ اللى مش كاتب أسمه : حقيقة لا أجد ما يضحك فيما كتبته ،بعد ما حدث اليوم فى الأسكندرية، حوادث الفتنة بدأت فقط فى عصر الرئيس المؤمن و خليفته /نائبه بتاع الكبارى ، السادات هو من قال أنه رئيس مسلم لدولة مسلمة يسكنها أقباط - مأجرين عنده مفروش يعنى - ، السادات هو من غير المادة الثانية فى الدستور ، السادات هو من أطلق طلبة الإخوان المسلمين حاملين سلاح أبيض فى الجامعة . لم نسمع عن إحتقان طائفى قبل ذلك ، عبد الناصر هو من وضع حجر أساس كاتدرائية العباسية و ساهمت الدولة بستة عشر الف دولار فى تكاليف بنائها و هنا قارن بين نظام يضع حجر أساس مقر جديد لبطريركية الأقباط و أخر يهدم كنيسة لأحد الطوائف الصغيرة فى نفس الشارع ليبنى محلها مسجد الفتح. هذا كما قال تامر بعيداً عن تقييم ما أنجزته ثورة يوليو أو ما أخفقت فيه و لكن البعد الإجتماعى للمواطنة : الكفاية و العدل هى سمة حقيقية للثورة رغم غياب البعد السياسى للمواطنة و لكن مع ملاحظة أن هذا لم يفرق بين مسلمى مصر و مسيحييها
كان بيتفرج علي فيلم
من نوع اللي تحت او اللي فوق
وبعدين جديدة فكرة ركوب الاديان علي بعض يمكن يجبوا بعد كده اديان صغيرة
ما قاله قضاة مصر الشرفاء لشايفنكم يوم لجنة الصلاحيه
هشام بسطويسي....قال"الشعب عنده وعي كفايه وفاهم كويس ايه اللي بيحصل و فاهم ان قضية استقلال القضاء و نزاهته تهم كل مواطن.....القضيه مش قضيه قاضيين بيتحاكموا !!"
و قال ايضاً" حشود الامن...جيا تحمي النظام من الشعب"
و قال لنا الخضيري عن حشود الامن الكبيره" الحشد الامني يدل على على ان الدوله لا تفكر بالمنطق المطلوب...و ده لأنها للأسف بتفكر بعضلاتها"
و اضاف" المسأله مش خاصه بالقضاه دي قضية الشعب المصري كله"
و بعد ان تم الاعتداء على محمود حمزه كان لنا معه حوار كامل في مستشفى كليوباترا و هذا اهم ما ورد فيه
قال محمود حمزه لشايفنكم مستنكراً ما تعرض له من اهانات و ضرب" القضاء ده ايه؟ ايه رمزه؟ ..العدل طبعا..و لما يهان العدل بالطريقه دي...مش دي رساله للشعب..رساله بتقول: مش هما دول اللي بتقولوا ان هما صوتكوا" شما اشار الى وجهه المصاب و قال " اهو بالجزمه ...بالجزمه"
قال لنا ايضا محمود حمزه وهو يغالب دموعه.. " انا لما دخلت المستشفى في الطواريء...انكسرت اوي و صعبت نفسي عليا جداً..ولكن بعد ان جاءني تليفون من مواطنه تؤيدني و دعت لي لم اعد اشعر باي الم في جسدي"
و عندما اكد حمزه ان مصر في حاجه لكل شخص و كل وسيله اعلام من اجل تدعيم حركة القضاء سالناه هل اتى لك اي تليفزيون حكومي منذ اصابتك فضحك بمراراه و قال"لم يأتي اي تليفزيون حكومي بل بالعكس دا انا لما شفت التليفزيون المصري لقيت نفسي متهم"
و اضاف"و لما و صفوا اللي قام بالاعتداء ....كان ناقص يقولوا عليه مختل عقلياًًً!!!!!!!!"
و عندما سألناه عن مدى ايمانه باستقلال القضاء...قال" اكيد هيستقل القضاء الرئيس وعد بكده...هل يجوز ان رئيس الجمهوريه وهو اعلى الهيئات القضائيه يوعد ما يوفيش؟؟...مش معقول..انا مش متخيل انه مويفويش بوعده!!!"
و في نهاية حديثه وجه كلامه لرئيس مبارك قائلاً:" قانون السلطه القضائيه مش هيأثر على اي سلطه اخرى..
ارجوك ..ارجوك...انهى الازمه...لن ينهيا غيرك!!!"
كنت أقرا المدونة ومعجب بيها وبكاتبها لحد ما قريت اللي بعلق عليه ده
أي دناسة ووضاعة وقذارة ونجاسة اللي خلت اللي اسمه هلاويس ده يتخيل اللي تخيله ويكتب اللي تخيله
وأي جنة وأي هباب يا كاتب اللي هتكون ليك بالشكل ده.. اتق الله
ايه نهاية تسفيه رجال الدين وأحكام الدين من كتاب وسنة عندكم؟
مسلمين انتم ولا كفرة ولا ملتكم ايه؟
كل ما أدخل مدونة ألاقي واحد بيسفه رجل دين وتاني بيشبه الصلاة بعلاقة جنسية وتالت بيسب ويلعن في البلد .. دي ايه الخيبة دي ياربي!!
حسبي الله ونعم الوكيل
كنت اظن المصريين جهلة و غارقيين فى التخلف و الاسبداد الدينى و لكن عندما اقرا المدونات اعرف ان هناك امل
متى نعامل الانسان كانسان خلق قبل الاديان و النظريات و القوانين و خلافه
سالم
انسان خلق قبل الدين!!
تعرف ياعم سالم .. أنا أعرف ناس بتحب تجادل كتير .. ممكن أجادل معاهم وأناقشهم في كل حاجة الا الدين وأحكامه
"ما أتيتكم به فخذوه وما نهيتكم عنه فانتهوا"
أي قضية فيها نص قرآني أو سنة نبوية أو رأي عالم معروف يبقي الجدال فيها بلا معني
والا نبقي سذج فعلا .. أي فلسفة يحاول يتفلسفها الواحد في الدين معناها جهالته
فكرتني بواحد أسأله متصليش في المسجد ليه .. يقولي هو يعني المساجد هتسع 70 مليون.. شوف آد ايه منطقه متخلف
يعني ايه نعامل الانسان كانسانخلق قبل الأديان .. أولا صحح جهلك فالأديان ليست بمخلوق .. هي دستور لكل واحد بينتسب للدين ده
وطالما رضيت بدينك فواجب عليك تلتزم بأوامره ونواهيه مش تيجي تتفزلك وتقولي جهالة .. عند مين الجهالة دي بس عندي ولا عندك؟
بالنسبة للترابي فده محدش معترف بيه وأرائه تخالف الكتاب والسنة فليه نسمعله من الأساس
وبالنسبة لأعلي الأديان وأسفلها
فيا أصحاب المنطق .. يا مثقفين ياللي مبتحبوش الجهلة
علماء الاسلام والمذاهب الأربعة كلها اتكلمت عن الجزئية دي وقالت اللي قاله الراجل .. كل ما في الموضوع ان الراجل حب يوضحهالكم بطريقة سهلة
تكون هي دي ردودنا وتخيلاتنا العبثية؟
لا حول ولا قوة الا بالله
Post a Comment
<< Home