Site Meter

Sunday, May 15, 2005

مرة كمان ...لا تعليق


نشرت صحيفة الأهرام بعددها الصادر أمس نصا محرفا تعوزه الدقة للحديث الصحفي الذي أدلي به السيد رئيس الجمهورية لصحيفة السياسة الكويتية الأسبوع الماضي‏.‏ وتؤكد رئاسة الجمهورية أن ما نشرته الصحيفة الكويتية‏,‏ ونقلته عنها صحيفة أخبار اليوم بعددهما الصادر أمس‏,‏ هو ما يعكس علي نحو دقيق ما أدلي به السيد الرئيس من تصريحات لدي استقباله السيد أحمد الجار الله رئيس تحرير السياسة الكويتية
الأهرام -15/5/2005
الصفحة الأولي‏

4 Comments:

At 5/15/2005 11:54 AM, Blogger Tamer said...

بيان هام

هنا شقلبان محطة اذاعة حلاوة زمان

من القاهره ومن كردفان

وسائر بلاد العرب

واليابان

ومن فنزويلا

وايضا ايران

ومن اي دار

أو بلد مستباحه

بفعل السياحه

مع الأمريكان

هنا شقلبان

محطة اذاعة حلاوة زمان

نقدم اليكم بكل الللغات

مراسح وسيما وجميع الفنون

صحافه ومنابر

وتليفزيونات

وخطبا ف جوامع

وجبنه و زيتون

ونقزح ونركب جميع الموجات

ونبحث ونفهم

في كل الشئون

ودايما نلعلع في كل الحالات

ولاحد سامع

ولايحزنون

وتسمع ماتسمع

دا ما يهمناش

لأن احنا أصلا

بناكل بلاش

فخليك في نفسك

وماتخليناش

نسلط عليك القلم

واللسان

***

هنا شقلبان محطة اذاعه حلاوة زمان

يسر الاذاعه

ومايسركوش

بهذي المناسبه

وما بندعيكوش

نقدم اليكم

ولاتقرفوش

شحاته المعسل

بدون الرتوش

شبندر سماسرة بلاد العمار

معمر جراسن للعب القمار

وخارب مزارع

وتاجر خضار

وعقبال أملتك

أمير الجيوش

ماتقدرش تنكر

تقول ما اعرفوش

ما تقدرش ايضا

تقول ما اسمعوش

شحاته العسل

حبيب القلوب

يزيل البقع

والهموم والكروب

يأنفس

يأفين

يبلبع حبوب

ويفضل يهلفط

ولاتفهموش

وتفهم ما تفهم

دا ما يهمناش

لأن انت فاهم

وعامل طناش

ح تنكر وتحلف

ح أقول لك بلاش

ح تلعب دماغنا

وتتعب كمان

***

هنا شقلبان

محطة اذاعه حلاوة زمان

لأن المخبي ظهر واستبان

وكل المسائل

بدت للعيان

وطلعت حكاوي

ونزلت كمان

عن التهريبه

وعن كيت وكان

وعن محسوبيه

وعن ألعبان

ظهر في المدينه

كأنه طوفان

وغرق مراكب

وسوح غيطان

وبعض المراكب

ح تغرق كمان

وأزمة مساكن

وأزمة أمان

وعالم بياكل

في عالم جعان

وريحة مؤامره

في جو المكان

مخطط خيانه

مع الامريكان

لدبح العشيره

وحرق الجيران

وفيه ناس بترغي

ولازم بيان

كما أبلغونا

جميع الودان

لهذا وذاكا.. وتلكم كمان

نقدم اليكم

عروسة وحصان

شحاته المعسل

وهذا البيان

***

هنا شقلبان

محطة اذاعة حلاوة زمان

بسم الله

سلام عليكم

وسلمون وموز

وأما المسائل

فهنجف ولوز

فيا اخوتي

ويا اخوات

اليكم بياني

كما هو آت

***

جميع المسائل

تمام التمام

وكل الكلام دا

مجرد كلام

فصبرا جميلا

ولاتقلقوش

وشغل الضغاين

أنا ما اقبلوش

مافيش أي حاجه

على الطلاق والعتاق بالتلاته

مافيه اي حاجه

وقدر كمان ان فيه أي حاجه

مافيش اي حاجه

ما لوش أـي لازمه الكلام

واللجاجه

وعيب ان عيل يسوق السماجه

ويعمل لي باللو

ويعمل ديباجه

أنا بطبعي ضد السماسره الكبار

بحكم المنافسه

وحكم الجوار

لكن مش ف طبعي

اني أعمل فضيحه

لواحد زميلي

هبش كام صفيحه

ما كل الزمايل

بتهبش صفايح

وكل اللي جاي

ماشي زي اللي رايح

فيا ايها الشعب

صهين تفلعص

مسا التنفس

مساء الروايح

******
كلام عن سماسره

كلام عن دعاره

حاجات مش صحيحه

جمل مستعارة

وعايزين يخلوا البلد

أردغانه

وعايزيني اسيب البلد

من زمان

وانا مش ح اسلم

واسيب الامان

ولا بالبوليس والنيابه كمان

فيا ايها الشعب

كمل جميلك

وصبرا

ولازم حتيجي المصاري

وتأكل وتشرب

تبع ما يآتيلك

وتغرق في بحر العبيد والجواري

وترسم حياتك

حسب مايرائيلك

وتملا الحواري

فساقي وقصاري

تسبح بحمدك

وتشكر جميلك

وفضل الزباله

وطفح المجاري

ختاما سلاما

وآخر كلاما

ضرورا

يسود الهدوء والوئاما

فماذا والا

ح طربقها واللا

اهرب فلوسي

واسافر قواما

سلام عليكم

وسلمون وموز

بصفتي رئيسا

وأبا

وجوز

احمد فؤاد نجم

 
At 5/15/2005 6:56 PM, Blogger wa7ed mn masr said...

يا دكتور تامر نورت البلوج

و ختاماً سلاماً
و أخر كلاماً
...هيهرب فلوسه و يسافر قواماً

 
At 5/21/2005 4:15 PM, Anonymous Anonymous said...

مش فاهم ليه ماسألوش عن الفلوس اللى نهبها هو وابنه .. مجلة بريطانية تدعى ان مبارك من اغنى عشر مليونيرات فى العالم

 
At 10/05/2006 1:07 PM, Anonymous Anonymous said...

Very nice site!
» »

 

Post a Comment

<< Home