Site Meter

Friday, May 12, 2006

....مدددد

أظننى رأيت العلم المقلوب للمرة الأولى عند صديقنا ألف ووضعه أحمد أخيراً فى مدونته و كتب كليهما
.
فى العرف العسكرى رفع العلم مقلوباً هو دلالة على الكرب و المصيبة و طلب للعون و المدد
لهذا : يا أهل مصر مددددد

ـــــــــــــــــــــــــــــــــــــــــــــــــ

أيها المواطنون

أيها المواطنات

مصر من طول السكات

بتناديكم

تسمعون؟

أحمد فؤاد نجم

ــــــــــــــــــــــــــــــــــــــــــــــــــــــــ
تحديث 19/5/06

تعليقات عدة على هذه التدوينة بعضها يرى فى شكل العلم المقلوب ما يثير الضيق و ربما أوافقهم و لكنه كما كتبت و الزملاء الذين إستعملوه قبلى تعبير عن الكرب و المصيبة فهل يجب أن تثير الكروب و المصائب فى أنفسنا السعادة ؟ أظن لا ، سبب هذا التحديث هو تعليق العزيزة لست أدرى التى تحدثت عن الإهانة - للعلم و للمصريين - و لكنى أسألها أى إهانة للعلم حين نطلب من أصحابه المدد و النجدة ؟ ، هل الإستقواء بمصر و المصريين أصحاب العلم يمكن أن يحمل إهانة من أى نوع للعلم ؟
من يهين العلم و الوطن بأكمله هو من يسحل أولاده فى الشوارع ، هو من تتسبب تصريحاته فى إهانة مصر فى عشرات الجرائد العربية ، هو من ينهب و يُفسد ، هو من يتاجر بالعلم فى واشنطن ، هذه هى الإهانات الحقيقية للعلم حتى و هو فى وضع معتدل
لهذا فمرة أخرى هذه صرخة لطلب المدد
مدد يا مصر كما كتب
الصديق ألف
..
مدد يا مصريون

13 Comments:

At 5/12/2006 11:34 PM, Anonymous Anonymous said...

Whatever it mean it seems to me very offensive and inadequate

 
At 5/13/2006 8:12 AM, Anonymous Anonymous said...

العلم المقلوب في البحرية معناه السفينة بتغرق و في الجيش معناه الموقع على و شك السقوط.... زي ما الباريه المقلوب معناه اضراب

أعتقد ان العلم المقلوب هو أفضل تعبير عن الحالة فالسفينة بدأت في الغرق و الربان مشغول في ضرب الركاب....يا أهل مصر الحقوناااااااااااااااااااا

 
At 5/14/2006 8:40 PM, Anonymous Anonymous said...

مدد يا مصر

 
At 5/15/2006 12:12 AM, Blogger karakib said...

3ala2na el 3alam
2alabna el 3alam
3adalna el 3alam
lafina el 3alam
fan el 3alam !

sa7i7 fih 7aga et3'ayaret ?!
antika

 
At 5/16/2006 2:12 PM, Blogger حاجات ومحتاجات said...

ياااة
شكل العلم مقلوب يضايق جدا
:(

 
At 5/16/2006 8:07 PM, Blogger Lasto-adri *Blue* said...

بقى لى كتير ما جتش عليك ولا سلمت.. كالعادة نفس الحجة.. الدنيا مشاغل

بس لما "دنانير" بعتت لى اللينك بتاعك ياهانى وطلبت منى أقرأت.. الصراحة اتخضيت قوى

اصلها مصر ... ولو ان العلم مجرد رمز الا انه فى الأصل رمزها.. وماينفعش.. ماقدرش

احنا ممكن نلعن اللى خربوها.. ممكن نشتم ونتخانق ونتظاهر ونقطع هدومنا حتى.. بس الا عندها

معرفش.. بس عن نفسى بضم صوتى للــ
anonymous
اللى علق عندك فوق..

عن نفسى شيفا قلب العلم شئ مهين ليا.. لانها أمى.. ومسمحش حتى لأخويا يتريق عليها

وسلامى ختام كلام

 
At 5/17/2006 1:00 PM, Anonymous Anonymous said...

نسرك بياكله الصدا
فى بدلة السجان

اقلب العلم بيا بنى.. هو ايه معدول دلوقتى؟؟

 
At 5/21/2006 11:46 AM, Blogger GoGa said...

ياهههههه أول مرة أشوف منظر العلم وهو مقلوب كده بس جابلي اكتئاب لأنه عبر عن حال البلد المقلوب وأول مرة أعرف معني قلبته دي ده معني صعب أوي و لو انه حقيقي .
كل حاجه مقلوب حالها في البلد مفيش التزام بقوانين ولكن يتم تأليف قوانين ومد قوانين و اصدار أحكام علي مزاج الرياسه اللي ما يسمعش الكلام يتحبس في أوضه الفئران لغايه ما يستوعب الدرس كويس كما حدث مع أيمن نور اخد درس ومش هو بس أي حد تسول له نفسه تقليده فسوف يكون مصيره القضاء عليه تماما بالموت البطيء

 
At 5/23/2006 8:13 AM, Anonymous Anonymous said...

هو فعلا شكله يجيب اكتئاب و احنا مش ناقصين

بس الحقيقه انه فعلا بيعبر عن حال البلد
ربنا يتولانا برحمته

 
At 5/24/2006 7:58 AM, Blogger adhm said...

انا محتار
نقلب العلم ولا نعدلة

 
At 5/30/2006 8:24 PM, Anonymous Anonymous said...

ast2zenak eny a7ot the same article u wrote in my spaces!?

 
At 6/02/2006 10:00 PM, Blogger wa7ed mn masr said...

ريهام : طبعاًإتفضلى
إبقى إبعتيلنا لينك إنت بتكتبى فين

 
At 2/07/2007 5:04 PM, Anonymous Anonymous said...

This comment has been removed by a blog administrator.

 

Post a Comment

<< Home