Site Meter

Friday, December 08, 2006

(حلم ..(مش نثر أوى

تعرفى

النهاردة أول مرة

أحلم حلم جوا حلم

حلمت

إنى نايم و بحلم

بحلم إنى معاكى

و إننا بنتكلم – مش باتكلم

إنى باحكيلك..

و إنك بتفتحى قلبك

و بتحكيلى..

من زمان أوى

مافتحتيش قلبك ..

ولا حكتيلى

..

و فجأة

فى وسط الحلم صحيت - برضه جوا الحلم

على تليفون

من نمرة ماعرفهاش

أسف ..

معرفتش صوتك

أعذرينى..

ما هو حتى جوا حلم

صعب أفكر إنك ممكن تتصلى

من زمان أوى

مابقتش أستناكى تتصلى

و لما ندهتيلى باسمى

و قولتيلى إنك إنتِ

إتلخبطت أوى

فرحت أوى

و إندهشت أوى

شفت ملامحى جوا الحلم ..

متلخبطة أوى

و قلتلك إنى كنت باحلم بيكى – جوا الحلم

و لما قولتيلى إنك بس بتسألى

بقيت سعيد...

شفتى أد إيه أنا قنوع – حتى جوا حلم
..

صحيح ليه ماتصلتيش من تليفونك؟؟

..

و صحيت.. بجد المرة دى

و فرحت أوى

لأنى شفتك – حتى جوا حلم

..

و بعد شوية كتير..

دمعت أوى .. أوى

لأن كل ده .. كان بس حلم

6 Comments:

At 12/08/2006 11:04 PM, Blogger foxamr said...

حلمك كان حلو جدا
صحيح بجد هي ليه بقالها كتير مش بتتصل ولا بترن عليا
نفسي اكلمها حتى جوا الحلم بس انا مش عارف احلم بيها اصلها بعيدة قوي
دي واحدة صديقتي انا كمان

 
At 12/10/2006 2:16 AM, Blogger Tamer said...

يا مركب العمر
هوه العمر كام
واحد

يا عشته كله
يا ضيعته
و عليك
واحد

ازيك يا ولدي؟ مشتاقين

 
At 12/10/2006 11:47 AM, Blogger Hanna Grace said...

ya wahed
call me urgently
Hanna Grace

 
At 12/13/2006 8:00 PM, Blogger nonna said...

الأخ الكريم واحد من مصر
أنا مبسوطه أوى من كلامك....فلقد ترجمت مشاعرنا بكل بساطه.....
أنت عارف أن العمر رغم قصره فتجد الكثير او معظمنا لم يحسن استغلاله,فلقد أضاعنا الكثير فى خلافات و مشاكل لم تعد علينا إلا بالألم ....و نسينا ما خلقنا الله عز و جل من اجله....
NB
لم أجد أغنيه مضناك فى أى SITE برجاء إعلامى حين تصل إليها......

 
At 12/14/2006 4:20 PM, Anonymous Anonymous said...

انا بهنى جدا على احساسك العالى فى الحلم ده
واحب اعرفك انى الموضوع ده حصلى فعلا فعلا وأثر فى جامد جدا وانا بقراها بجد رائع. فى حاجه كمان انا عايز ااقولك عليها يا ريت تعتبرنى صديق جديد ليكى
وضيف البلوجز بتاعى عندك اسمه وشوشه
www.washwashaa.blogspot.com

 
At 12/15/2006 12:08 AM, Blogger wa7ed mn masr said...

foxamr:
أشكرك ، جرب تكلمها إنت
تامر : مفتقدك يا صديقى...عليك واحد

nonna:
أوعدك لما أوصل للغنوة هابعتهالك

 

Post a Comment

<< Home