...المدد قادم

هذان التعليقان تم إضافتهما اليوم على تدوينتين مختلفتين ، أعادا لنفسى بعض الأمل بأن المدد قادم و أننا سنسترجع حق شرقاوى و حقنا جميعاً

CHE GUEVARA

كتب : مش حاجة غلط لما نكون محتاجين مدد, المدد بيجي لما بنعلن عن نفسنا و يمكن قلب العلم من أهم وسائل الإعلان, تقدر تعتبرني مدد أنا مكنتش أعرف أي حاجة عن التدوين أو الحاجات ديه غير لما علاء إتقبض عليه , أنا كنت بسمع عنه بس بحكم إني مبرمج و لما إتقبض علي لقيت الدنيا هاجت قلت أما أشوف مين ده عملت سيرش علي النت ووصلت ليكوا و بدأت أزور المدونات المختلفة, و قررت أنضم ليكوا, مفيش شك إن فيه ناس كتير بتدور زي ما أنا كنت بدور عليكوا و الأعلان و طلب المدد هيجيبهم إقلبوا الأعلام و الناس جاية متخفوش و إنشاء الله الموقع مش هيقع و هنلحق السفينة قبل متغرق

ــــــــــــــــــ

Anonymous said

السلام عليكم يا شباب انا امبارح ولاول مرة اشوفكم على الجزيرة وعلى فكرة انتو عجبتوني قوي وحسيت انكم ناس عاديين ذي اللي بتمشي في الشارع مش جماعة معينة عايزة تفرد رايها على الاخرين ولكنكم ناس عايزين مصر تبقى كويسة ومش خايفة من حد اللي انا حاسه ان في تغيير جاي قريب لان الناس كلها مش مستحملة الوضع الموجود حاليا وكمان بليل شفت العاشرة مساَ وكان في منهى الجرئة و الجمال على فكرة انا حاسس ان احنا في حالة مقاومة زي اللي كانت بتحصل ايام الاحتلال وشكراً على مجهوداتكم يا شباب

ــــــــــــــــــــ

و تعليقات أخرى عن مصر الولادة و أن مصر بخير و أنه مازال هناك من يحبون الوطن

أهلاً بكل من يعتبر نفسه مدد لمصر و للمصريين ، أهل بشباب لديه الكثير ليقدمه ، أهلاً بمستقبل أفضل سنناضل من أجله وسنراه يوماً