Site Meter

Sunday, May 28, 2006

...المدد قادم

هذان التعليقان تم إضافتهما اليوم على تدوينتين مختلفتين ، أعادا لنفسى بعض الأمل بأن المدد قادم و أننا سنسترجع حق شرقاوى و حقنا جميعاً
كتب : مش حاجة غلط لما نكون محتاجين مدد, المدد بيجي لما بنعلن عن نفسنا و يمكن قلب العلم من أهم وسائل الإعلان, تقدر تعتبرني مدد أنا مكنتش أعرف أي حاجة عن التدوين أو الحاجات ديه غير لما علاء إتقبض عليه , أنا كنت بسمع عنه بس بحكم إني مبرمج و لما إتقبض علي لقيت الدنيا هاجت قلت أما أشوف مين ده عملت سيرش علي النت ووصلت ليكوا و بدأت أزور المدونات المختلفة, و قررت أنضم ليكوا, مفيش شك إن فيه ناس كتير بتدور زي ما أنا كنت بدور عليكوا و الأعلان و طلب المدد هيجيبهم إقلبوا الأعلام و الناس جاية متخفوش و إنشاء الله الموقع مش هيقع و هنلحق السفينة قبل متغرق
ــــــــــــــــــ
السلام عليكم يا شباب انا امبارح ولاول مرة اشوفكم على الجزيرة وعلى فكرة انتو عجبتوني قوي وحسيت انكم ناس عاديين ذي اللي بتمشي في الشارع مش جماعة معينة عايزة تفرد رايها على الاخرين ولكنكم ناس عايزين مصر تبقى كويسة ومش خايفة من حد اللي انا حاسه ان في تغيير جاي قريب لان الناس كلها مش مستحملة الوضع الموجود حاليا وكمان بليل شفت العاشرة مساَ وكان في منهى الجرئة و الجمال على فكرة انا حاسس ان احنا في حالة مقاومة زي اللي كانت بتحصل ايام الاحتلال وشكراً على مجهوداتكم يا شباب
ــــــــــــــــــــ
و تعليقات أخرى عن مصر الولادة و أن مصر بخير و أنه مازال هناك من يحبون الوطن
أهلاً بكل من يعتبر نفسه مدد لمصر و للمصريين ، أهل بشباب لديه الكثير ليقدمه ، أهلاً بمستقبل أفضل سنناضل من أجله وسنراه يوماً

2 Comments:

At 5/28/2006 8:42 PM, Anonymous نادر said...

السلام عليكم اولا وثانيا انا شاب مصرى زيكم عندى 24 سنة حاسس بفخر وعزة بيكو وعاوز اقول لكم انى عاوز يكون ليا دور زيكم انا حاسس الحياة والشغل واخدنى بس امبارح لما شاهدت البرنامج على قناة الجزيرة قولت كفايه الدنيا وخداك لحد كدة ولازم يكون ليك دور ياريت تعملو بروجرام عمل على الموقع عشان اقدر اشارك معاكو واحد بيحب مصر

 
At 5/29/2006 1:21 AM, Blogger أجدع واحد في الشارع said...

الله واكبر عليك يا فنان
ايه الكلام ده
والله جامد جدا

 

Post a Comment

<< Home