Site Meter

Friday, October 21, 2005

...إف

إلا الأربع تلاف أسد اللى خرجوا النهاردة يدافعوا عن الإسلام ضد الخطر الفظيع اللى بيهدده من مسرحية عاملها شوية شباب هبل ، اللى قالهم على المسرحية القبيحة اللى بتهدد الإسلام ماقالهمش إنهم بقالهم ربع قرن بيصحوا كل يوم الصبح ياخدوا على قفاهم ، ماقلهمش إنهم طالع دينهم و دين أهاليهم ، ماقالهمش إنهم مش لاقيين ياكلوا و مش عارفين يعلموا عيالهم و إن لو حد فيهم جرؤ إنو يعييا مش هيلاقى مكان فى مستشفى و لو لقى مكان ممكن يموت من قلة الرعاية ، ماقلهمش إن نص شباب البلد مش لاقيين شغل و متلقحين فى القهاوى ، ماقلهمش إن البلد مليانة سرطان و إلتهاب كبدى ، ماقلهمش إننا بنتنفس فساد و إن فيه عصابة نازلة فينا سرقة ، ماقلهمش إن فيه قانون طوارئ يخلى أى عيل معفن بدبورة ياخدهم من الشارع و يروح بيهم على القسم و يضربوا لحد مايبنلهم إصحاب ، ماقلهمش إن فيه ناس طلعان دينهم علشان يجيبلوهم شوية حرية و شوية كرامة يستاهلوا يطلعوا معاهم فى مظاهرة بدل الخرا اللى بيعملوه
جتكم ستين نيلة تستاهلوا الظلم و الفساد و الإهانة و قانون الطوارئ ، فاكرين عبد العظيم عبد الحق فى فيلم الإرهاب و الكباب : جتكوا القرف ما تجوش غير فى الهايفة و تتصدروا

7 Comments:

At 10/22/2005 12:14 AM, Blogger ibn_abdel_aziz said...

لخصت كتير من اللي كنت عاوز اقوله

وساعتبر ان الغيرة علي المقدسات من الامور المشروعة

لكن من دؤبه هذا..ولايقوم لحقه في كل شئ اخر فهو بالتاكيد يحتاج الي


العلاج

 
At 10/22/2005 10:03 AM, Blogger beastboy said...

الغيرة على المقدسات مشروعة، ولكن في حدود العقل. اللي بيحصل ده، وفي إطار اللي بيتعرض له البني آدم في مصر من اهانات يومية وانتهاكات (من غير لا حس ولا خبر) من أكبر الكوارث، صحيح أف

 
At 10/23/2005 11:27 AM, Blogger Lasto-adri *Blue* said...

بص ياواحد من مصر... ساعات كتير يبقى الناس بتموت من الجوع.. وبتاكل فى بعض كمان.. ونيجى عند الدين و نفوق..

هم هبل أه فى الحالة الهمجية اللى حصلت و إتخدت ضد المسلمين..
لكن أرجع و أقولك...
إلا الدين...

روح إعمل اللى إنت عاوزه بعيد عن دينى و نفضل أصحاب!!!!!

"نقل لإحساس عام"

 
At 10/24/2005 10:11 AM, Blogger ChaösGnösis said...

This is all too sad and disgusting......!

It seems fanatics are determined to drag us all to the bliss of their ignorance and stupidity.

Uff ..Uff...Uffffff

 
At 10/24/2005 11:45 AM, Anonymous Anonymous said...

I REALLY FEEL DISGUSED FROM THE COMMENT OF THAT CALLED LASTO ADRI HIS MENTALITY DOES NOT DIFFERS ALOT FROM MB GOD BLESS EGYPT THAT IS UP OF ALL

 
At 10/28/2005 11:37 PM, Anonymous ألِف said...

كنت عاوز أقول نفس الكلام يا واحد من مصر لكن مكنتش هاقوله بأحسن من كده.

يا ست لست تدرين، قولي الكلمتين دول للبيسجلو و يطبعو و يوزعو و يخطبو شتيمة في الديانات التانية.

أحسن وسيلة علشان تعرّفي حد أن سلوكه سخيف و مؤلم هو أن تعامليه بالمثل إلى أن يشتكي هو. (هذا ليس تحريضا، لكن تفسير :)

 
At 10/30/2005 8:50 PM, Blogger ابن مصر said...

عظيم ورائع جدا يا اخي

 

Post a Comment

<< Home