..أسئلة غلسة
من ساعة حكاية إعتقال عبد الكريم و عندى كام سؤال
إلا إيه حكاية إزدراء الأديان دى و إزاى يعنى ؟ يعنى لما الواحد يعمل إيه يبقى إزدرى ؟
و هل قانون إزدراء الأديان ده معمول علشان الأديان ولا علشان المتدينين ؟
يعنى هى الأديان إشتكت و قالت إعملولنا قانون ؟
و هيه الأديان هيجرالها إيه لو حد إزدراها ؟
فيه فى مصر بهائيين و شيعة
هل لو حد إزدرى (ماحدش يسألنى إزاى) البهائية أو الإسلام الشيعى هيحاكموه ؟
طب لو حد إزدرى البوذية أو الكونفشية هيعملوله إيه ؟
طب و اليهودية ؟؟
عارف إنى غلس حبتين
اللى مش عاجباه الأسئلة ولا يغير دمه ولا يوجع دماغه
إدعولنا ربنا يشفينا
posted by wa7ed mn masr @ 5:30 PM
5 comments
5 Comments:
great post me too cannot understand anything nowadays from what is haPPENING IN EGYPT ALL I KNOW VERY WELL THAT WE MUST SAVE THIS COUNTRY EARLY BEFORE IT BECOMES TOO LATE( BY THE WAY TOMMORROW COULD BE TOO LATE)
ما تيجي نرفع قضية على ازدراء عبادة الشيطان، كل يومين واحد في الجامع أو الكنيسة اللي قريبين مننا يشتم في الشيطان و ده شكله كده مخالف للقانون.
أحنا هنذحك على مين الأديان في عرف قوانينا و حكومتنا الاسلام السني، و المسيحية الأورثوذكسية أحيانا و البروتيستانت و الكاثوليك أحيانا اقل بكثير و الديانة المنوفية الوثنية.
سؤال مهم
انتم يا جماعة بتغروني اكتب في مواضيع
حيكفروني الناس عشانها والله
:)
يا مسهل يارب
ازدراء ....وما ادراك ما الازدراء
انا مع فكرة علاء في موضوع ازدراء الشيطان دا
مش معقوله كل واحد نازل امبارح من بطن امه يطلع على المنبر و ينزل شتيمه في
اما موضوع ازدراء الاديان
فاعتقد انه امر يتعلق بالضراط
anonymous : your comment was on Tuesday and the next day (elections)was really too late ..hard luck
علاء : عايزين نعمل قانون يعاقب أى حد يزدرى أى حاجة حتى لو كانت صناديق الزبالة فى الشوارع علشان إزدراء أى حاجة بيجرح أحاسيس الحكومة و حرام علينا كده بصراحة و ده طبعاً مرتبط جداً بالديانة المنوفية اللى إنت بتقول عليها
إبن عبد العزيز : لو الأسئلة هتخليك تكتب زيادة ممكن أبقى أعملك أسئلة خصوصى
Chaosgnosis:
غالباً بعد الأنتخابات مش فاضل غير الدعا
إبليس : طالما موضوع إزدراء الشيطان ده طلع مطلب جماعى ، يبقى موافقة للأغلبية يللا نرفع قضية خلى المتدينين يلاقوا حد يضياقهم شوية
Post a Comment
<< Home